上屆政府將房屋土地問題視為重中之重，但五年以來樓價有升冇跌，到政府換屆後仍未見頂，當中一個說法係啲內地人無懼樓市辣招，不斷落嚟香港投資置業，炒貴晒香港啲樓。運輸及房屋局前局長張炳良尋日喺電台話，自港府推出買家印花稅後，內地人來港買樓嘅個案數目，只佔整體成交約百分之一點五，可謂不足為患，香港樓價上升嘅主要原因係供不應求。講到尾，咪即係政府同班高官無能，未能迅速增加土地房屋供應囉！
