政情：公民講場：市建局水浸仍靠嚇 韋志成照賣天價樓

市建局行政總監韋志成尋日預料明年收購西環項目嘅收購呎價可能再創新高，仲話如果樓市繼續向上，呢個循環就可以持續，但如果樓市逆轉，就可能出現「高買低賣」嘅情況，會令市建局面臨財務困境，市建局要做好準備咁話。其實，外界一直炮轟市建局賣天價樓，間接推高樓價，依家韋志成仲不惜預告賣唔到天價樓就會出現財赤，講到底都係為市建局水浸解畫，睇嚟都係冇乜說服力喎。