澳門人間地獄 路環平民村116級攞命天梯 管治差劣 衰過清朝

地方狹窄 馬桶放廳內

「我哋兩公婆係窮人，無錢命賤，連社屋（社會房屋，相等於香港的公屋）租金都畀唔起，咪惟有住山上呢啲鐵皮屋！」陳婆婆與丈夫居於路環聖方濟各街平民村山頂的鐵皮屋十數年，她說早期由朋友轉讓居住，不用交租，才僥倖有容身之所，「呢度生活環境當然惡劣啦，我連個如廁嘅馬桶都要放喺廳入面，老鼠、曱甴多多，電器成日跳掣，每逢翻風落雨，連個屋頂都吹起埋呀！政府幫都無幫過（我們），全部都係靠我自己維修。」

中風長者逼屈在家中

其夫陳伯已年屆八十七歲，數年前中風，行動不便。他指面對上落必經的一百一十六級石級，實在難以應付，故已有數月未曾下山，「唔想屈喺屋企，試過夾硬想落去行吓。行一條短短嘅樓梯，我足足抖咗五、六次。依家無事都唔會再落去囉，自己身體唔爭氣可以點？只可以日日困喺屋企。」陳伯表示，現況猶如島上路環監獄囚犯一樣，不能隨意走動，每天猶如活在人間地獄之中，令他無奈悲嘆，「我諗下次落去，都係由白車（救護車）抬我落去囉！」

屋內空間細小，馬桶（箭嘴示）都要放在廳內，環境惡劣。

鐵皮屋廚房狹窄，煮食用具堆在一起，易生火災。

無消防設施恐一鑊熟

居於路環平民村，大部分住戶均為貧困長者。早前該處曾有石牆倒塌，過往亦曾發生過縱火、山泥傾瀉、違法泊車及環境衞生等問題，不少房屋日久失修，早已成為路環區的安全與衞生隱患。居於簡陋鐵皮屋的張婆婆表示，「你望吓，我哋啲雪櫃、煮食用具、櫃同雜物，全部都放晒出嚟o架咋，通道又狹窄，又無消防設施嘅！」一旦火警，消防上山難，火燒連環屋，「咪惟有一鑊熟囉！」

澳門立法會議員施家倫批評，澳門房屋問題困擾不少長者，政府沒有用心改善環境設施，做法令人失望，長者養老金亦應該增加，以貼近維生指數，令到他們老有所居。目前澳門養老金由社會保障基金支付，上月發表的下年度施政報告提出，長者養老金維持每月三千四百五十元。

鐵皮屋放滿雜物，環境擠迫。

陳伯（右）因中風行動不便，無法上落百多級石級，只能被困山上。