回歸二十年來，香港風雨不斷，社會撕裂，人心遲遲未回歸，原因千頭萬緒，但最主要是「反中亂港有運行，愛國愛港冇前途」，而司法不公不義更是有目共睹。
有建制派人士指出，律政司近年疑怯於外國勢力，對多宗涉及政治敏感人物及新聞機構的案件採取選擇性檢控，包括至今未起訴違法佔中搞手漢奸黎，若律政司繼續害怕外國勢力，繼續持雙重標準，繼續不敢檢控敏感人物，則有乜法都係廢嘅，皆因「徒善不足以為政，徒法不能以自行」。法律面前人人平等，講就容易，冇神經政府實行起來卻荒腔走板，變質變味。世上不患無法，患有法不依、執法不嚴！
撇開佔中單嘢，睇吓東方報業集團近排如何面對司法不公：漢奸黎今年六月在眾目睽睽下以粗言穢語辱罵本報記者，並揚言「實搵人搞×你」！阿哥，呢單嘢即使係法盲都睇到涉及刑事恐嚇喇，加上有完整影片為證，律政司卻遲遲未有採取行動，試問咁仲有王法嘅？新聞自由備受踐踏，律政司竟噤若寒蟬。而另一宗東方記者遭恐嚇案件，法庭又以冇現場錄影片段為由放生被告。有冇搞錯啊，咪話畀老朽知香港仍是法治之區！東方記者屢遭刑事恐嚇，律政司該告的不告，該提司法覆核的不提，致使惡人得不到應有懲罰，公理難伸張，試問公義何在？
「國將亡，本必先顛，而後枝葉從之。」這句話的背後有段古。話說春秋時代，齊桓公問魯國可以攻取嗎？齊國大夫仲孫湫答之曰：不可！因為魯國還在奉行周禮。周禮是一切禮法的基本。我聽說一個國家將要滅亡，其根本一定會先墜落，然後其他如枝葉的細節才會跟着衰敗。魯國沒有廢周禮，因此不可以出兵攻伐。這周禮大抵就是今之法典，魯國能秉公執法，無人夠膽蝦佢。觀乎香港之司法不彰，香港之亂可思過半矣！