有主張港獨嘅團體早前喺多間學校門外派發港獨傳單，但教育局局長楊潤雄尋日喺立法會回應有關質詢時，只係話若果學校發現學生受滋擾，可向執法部門尋求協助，而學校應對參與派發單張及宣揚港獨嘅學生提供適當輔導，隨即被議員狠批軟弱無力、姑息養奸，更有議員批評當局鴕鳥，指現時嘅《基本法》教育缺乏國家視野同觀念，認為有需要改善。楊潤雄必須及早撲火，否則星星之火變成燎原就大鑊嘞！
