政情：八網難逃：陳智遠着唐裝 扮十二少變店小二

搞導賞團了解塘西風月史

搞邊科？其實佢係搞咗個導賞團，去咗西環了解「塘西風月史」，為咗配合當時嘅環境，所以要時光倒流着番當年嘅服飾，而佢亦唔例外。

佢離開熱廚房之後，同三位朋友創辦咗「活現香港」，不時舉辦導賞團進行「本地文化遊」，除咗介紹歷史文化，佢亦與唔同機構合作，日前嗰個導賞團就邀請咗三個女時裝設計師同品牌經營者嚟分享，話畀大家知其實傳統服飾都可以有好多新穎精心嘅設計o架！呢個亦係佢決定扮成十二少嘅原因之一。

之不過，呢個十二少嘅造型似乎得佢覺得滿意，佢啲同事唔係話佢似晨運阿伯，就話係塘西酒家嘅店小二喎。