上世紀四十年代，卞之琳有一首新詩《斷章》風靡一時，詩不過四句：你站在橋上看風景，看風景的人在樓上看你。明月裝飾了你的窗子，你裝飾了別人的夢。然而，事隔七十多年，詩人可能勢估唔到，橋上的風景，那麼富詩意的人和夢，已經搬到橋下進行，場面不再有詩意。
話說近年滯港難民不斷增加，當中不乏被黑幫招攬的「假難民」。黑幫睇準大批無業或是從事低收入工作的南亞漢，佢哋膽正命平，於是招攬佢哋入會，且在光天化日下開壇舉行黑幫入會儀式，在深水埗通州街天橋底「做戲」吸納新成員，場面都真係幾誇張，未知「難民之父」張超雄之流會唔會拍手叫好：橋下風景比橋上風景更有活力，香港呢個「動感之都」返晒嚟！橋底「做戲」不是夢！果真「愛拚才會贏」，合乎香港獅子山下精神。「難民之父」或許會振臂歡呼：民主萬歲！自由萬歲！香港幾好都有！
假難民亂象，今時今日搞到尾大不掉，政府在處理假難民政策上唔嗲唔吊實難辭其咎。這些年來，東方報業集團投下大量的人力及資源，鍥而不捨的報道假難民禍港亂象，盡了第四權的本分，而本報「正論」亦不時警惕冇神經政府切勿掉以輕心，眼見「毒花毒草遍地開」，南亞兵團橫行無忌，天橋底下淪為罪惡淵藪，政府多個部門如警方、路政署、食環署等卻你推我讓不肯執法，天橋底下淪為三不管地帶，遲啲說不定可以票選成為觀光客最佳景點。
本報一再指出惟有退出《禁止酷刑公約》才是解決之道，最低限度也要重設禁閉營以收阻嚇作用，可是政府都好似借了聾耳陳隻耳，當聽唔到！本報的正義之聲，甚且淪為政客們的眼中釘，不僅「種族歧視」大帽子扣在東方頭上，更焚燒報紙洩憤。如今眼見假難民為禍愈演愈烈，老朽只能嘆一句：社會將亂，必多妖孽！