政情：公民講場：船廠違規出租泊位 部門姑息冇眼睇

鴨脷洲海旁道附近船廠用地被人擅自更改土地用途，將維修船隻停泊使用嘅船排租出作遊艇泊位。事件被揭發後，發展局局長黃偉綸尋日回應話地政總署正跟進相關嘅情況，而海事處尋日亦曾派船隻巡邏水域，但就冇採取任何行動。違規嘅情況唔係今日先爆出嚟，已經持續咗好一段時間，點解冇人發現？抑或係地政總署署長陳松青同海事處處長鄭美施扮睇唔到呢？事件被踢爆咗之後先去補鑊，等如姑息違規行為。