尋日內地公布包括奶粉在內嘅多種進口貨品實施零關稅，一直令北區居民深感困擾嘅水貨客係咪會因此銷聲匿迹、「限奶令」撤或唔撤等問題再引起熱議。咁啱上月政府話會檢討「限奶令」，但係即刻令反對者激到彈起。「限奶令」對香港經濟或多或少有負面影響，今次內地嘅措施，或有助加速香港社會凝聚共識，就「限奶令」嘅去留做個了斷，唔知食物及衞生局局長陳肇始會否因此鬆一口氣呢？
