葵青區同荃灣區爆發食水危機，有街坊話啲食水有火水味同天拿水味，更有居民用咗呢啲食水煮米粉，食完之後肚屙，搞到啲居民要撲樽裝水。食肆生意亦急挫，佢哋都話多得水務署唔少，有說異味水嘅來源懷疑係荃灣食水配水庫出問題，但係水務署竟然冇作出清楚交代。經歷過鉛水風波一役，水務署署長林天星應該知衰喇，勢估唔到喺佢臨退休都爆單大鑊嘢出嚟，呢次可謂係臨尾香嘞！
