政情：八網難逃：回到少年時 林超英返母校聽書

仲坐仿60年代枱櫈

講笑啫！係佢喺社交網站Facebook上載一張相，呢張相係佢回到母校英皇書院嘅課室，仲坐喺一九六○年代版本嘅枱連櫈，呢款枱連櫈就係當年佢上堂時坐嘅，依家坐緊呢套當然係仿製品喇！睇佢哋坐落去，都唔似大人坐小童櫈嘅。

咪以為齋坐，佢仲即場聽何永煊老師（當年教佢應用數學、統計署前署長）講課，佢形容恍似穿過時光隧道回到少年時，成班人都聽得如癡如醉。點解會出現呢個場面呢？原來係英皇書院教育基金籌款晚宴嘅節目之一。