鉛水風波嘅主角、水務署署長林天星即將退休。佢任內經歷備受爭議嘅鉛水事件，不但被食水含鉛超標調查委員會嘅調查報告狠批水務署等持份者「集體失職」同「推卸責任」，令居民受害，當時亦曾與時任發展局局長陳茂波、時任運房局局長張炳良等人輪流喺記者會上向公眾致歉，更有議員批評林天星將報告當作「耳邊風」，拒絕為屋邨重驗頭啖水，理應下台，但事件發生後至今兩年幾以嚟，林天星冇穿冇爛，依家退休總算係甩難喇！
