申訴專員公署主動調查食物環境衞生署監控進口蔬果安全嘅制度，申訴專員劉燕卿更力數食環署「五宗罪」，包括抽檢陸路進口嘅蔬果不足，只抽檢貨車近櫃車門嘅幾箱蔬菜，令櫃車內蔬菜輕易避過檢測，而從海路進口蔬果更缺乏恒常檢測，直至流入市面先抽查。公署炮轟食環署做法寬鬆，損害市民健康。涉及食物安全兼市民嘅健康，食環署署長劉利群抽檢進口蔬果咁粗疏，梗係畀劉燕卿揪鑊甘喇！
