政情：浸大頒榮譽博士 莫言台上閉目養神
香港浸會大學尋日向五位傑出人士頒榮譽博士銜，包括中國首位獲得諾貝爾文學獎嘅作家莫言。幽默風趣嘅莫言難得來港，唔少人都想佢趁機開金口講吓故事，但佢全程不發一言，仲喺台上閉目養神一段時間，睇嚟好攰。
莫言今次獲頒榮譽文學博士，睇過佢嘅名著《紅高樑》、名劇《霸王別姬》嘅人，都知佢最叻講故事，講嘢又風趣、精靈，不過唔知係咪昨日天氣陰陰涼涼，佢一早已聲明唔公開講嘢，喺台上等待頒授學位時仲合埋眼一陣，望落好似瞓咗添！相信佢嘅一班粉絲都感到失望喇！
做咗廿年消委會總幹事嘅陳黃穗就獲頒榮譽社會科學博士、利豐有限公司集團主席馮國綸獲頒授榮譽工商管理博士，而知名嘅實驗物理學家Donal D C Bradley及著名現代中國歷史學家柯偉林就分別獲榮譽理學博士及榮譽人文學博士。