新空管系統啟用近一年，又爆出醜聞。有報道引述前線空管人員指「死機」情況愈見嚴重，工作席四月至今須額外重啟逾十次，其中大部分更喺繁忙時段發生，但民航處回應時否認新系統曾「死機」，但承認有個別工作席出現螢幕畫面緩慢，須重啟工作席，有立法會議員就質疑民航處隱瞞事實，只係粉飾太平，不斷話系統冇事。其實頻頻死機嘅情況好危險，隨時會發生空難，點解民航處長李天柱淨係識死攬個系統，唔通系統重要過人命？
