探射燈：復康運動只踩單車 長者唔願去
超過九千名長者苦苦等候長者社區照顧服務券的幫助，但又有些長者輪候到社區照顧服務，卻無奈選擇放棄，原因何在？
「我就算拎到啲服務券，都得物無所用，真係嘥氣！」現年七十多歲的標叔，因呼吸問題，需要長期使用氧氣機，加上行動不便，要進行物理治療，故早前獲得服務券後，便在區內一間社福機構購買有關照顧及復康服務。「入到去，簡直『比死更難受』！所謂嘅復康運動，其實得一部運動單車。郁咗半個鐘之後，啲人就丟我坐喺一邊，成日無人理。去咗幾日，我真係頂唔順，情願留喺屋企都唔再去。」
部分機構綑綁式銷售
關注家居照顧服務大聯盟組織幹事施英倫透露，除服務未完善外，部分社福機構綑綁式的銷售策略，亦令不少長者對服務券卻步，「就算長者淨係想要送飯服務，有啲不良機構為咗賺多啲，都要逼佢哋夾埋一啲唔需要嘅服務項目一齊買，最後有大批服務券，買咗都無用。」