政情：公民講場：黃友嘉研強積金畀首期 焗推劉怡翔去做？

早前有立法會議員建議畀市民提早攞部分強積金用嚟做首期買樓，當時財經事務及庫務局局長劉怡翔已經潑冷水，話本港強積金戶口平均結餘約十八萬元，對支付私樓首期幫助唔大，講到唔會考慮咁，點知由黃友嘉做主席嘅強積金管理局正研究緊呢樣嘢，用作首次置業嘅首期之用，就好似推緊劉怡翔去做咁，若果積金局明年提交嘅報告話可以做，睇怕劉怡翔都好難甩身。