香港人口老化，安老院舍一位難求，好多長者輪候到歸西都等唔到。勞工及福利局局長羅致光尋日自爆，本港安老事務規劃工作已暫停廿年，以往並無預期本港六十五歲以上人口增幅會咁大。為咗解決安老院舍嚴重不足嘅問題，佢話可探討放寬院舍高度限制及引入外勞，不過仍有好多問題要克服，暫時未有時間表。聽見真係佛都有火！過去政府渾噩禍港，如果再滋滋油油咁蹉跎落去，長者想安享晚年真係難過登天！
