正貨牙膏質地較濃 印刷清晰

九龍灣一間藥房職員阿銘指，若要分辨真假可從牙膏包裝盒上的產地及文字分辨，亦要留心條碼（Bar code）和說明文字有否可疑地方，「尤其喺多旅客嘅地區，要小心買到嘅牙膏可能係水貨。」他指消費者可向銷售商家查詢，並應保留收據，以備不時之需。

牙醫：成分需符港標準

「真貨梗係印刷上清晰啲、有多啲細節。質地上，唧出嚟唔會好稀，或者好似水咁。」香港註冊牙醫王志偉指，消費者應從信譽良好的商舖購買牙膏，「佢哋同代理商攞貨，價錢都唔會差太遠。」他又提醒，現時網上平台有不少從外地出產的牙膏出售，但來歷不明，成分亦未必符合本地標準，消費者切勿冒險購買。