政情：公民講場：被轟剝奪公眾知情權

為咗拖垮一地兩檢方案嘅無約束力動議，泛民主派無所不用其極，不停出怪招拉布，朱凱廸尋日仲以《議事規則》第88（1）條要求清場，趕晒新聞界同公眾離開會議廳，意味會議閉門進行。泛民喺包括一地兩檢方案同好多其他施政上嘅嘢，以公眾知情權做藉口，要求政府做公開諮詢、要透明，但依家竟做出呢啲剝奪公眾知情權嘅事，梗係即刻被鬧爆，要清場、趕出會議廳嘅，應該係包括朱凱廸在內嘅一班泛民。