政府喺○六年曾有意推出銷售稅（GST），從而增加政府收入，當時引起唔少爭議。財政司司長陳茂波（波叔）尋日出席論壇時，被問到政府會否開徵GST，佢就話依家唔係擴闊稅基嘅合適時機，又話「唔想無端端製造爭議」。都係嘅，家下政府嘅財政儲備有成一萬億港元咁多，市民要求政府退稅都嚟唔切，政府仲點會傻更更加多一個稅收惹火上身吖，波叔梗係將GST掃入地氈底喇！
