政情：公民講場：郵輪碼頭交通配套差 陳茂波終補鑊

啟德郵輪碼頭啟用以嚟不停被轟交通配套不足，的士唔肯入去，就算有商場提供免費巴士，但又因指示不足，連旅客都唔吼。財政司司長陳茂波（波叔）尋日喺網誌話，當局會盡早開辦一條連接郵輪碼頭至九龍塘又一城嘅巴士路線，仲會加快完成多組道路指示牌安裝，輔助駕駛者去碼頭等。郵輪客喺香港消費，可以帶動本港經濟，交通配套搞唔好，等如倒自己米，鬧咗咁耐，波叔先認衰，實在太遲。