最近有調查顯示，香港司法獨立排名急劇下跌。冇計喇，司法當局面對反中亂港嘅壹淫媒老闆漢奸黎，以及喺佢背後撐腰嘅外部勢力，畏首畏尾，投鼠忌器，「法治之都」招牌被打殘，排名唔跌就假。
大家應該記得，漢奸黎今年六四到維園出席燭光晚會期間，涉嫌刑事恐嚇正在進行正常採訪嘅本報記者，左一句「我實會搵人搞×你」，右一句「我影×咗你張相」，又以「×你老母×」粗口辱罵記者，引發全城激憤。事後有立法會議員去信律政司司長袁國強，要求盡快跟進事件，點知律政司覆信淨係話「會獨立地、不偏不倚地認真處理這事件」，廢話連篇，講咗等於冇講。
正如立法會議員話齋，今次個案「好簡單，屬於單一事件」，而且有片有真相，證據確鑿；更何況事件涉及新聞從業人員人身安全，對新聞自由構成重大威脅，點都冇可能不了了之，坦言對於律政司回覆「唔收貨」咁話。
冇錯嘞，律政司擺明包庇縱容漢奸黎，點止議員唔收貨，七百萬市民一樣唔收貨。有法律界人士就講得啱嘞，根據法例，任何人威脅其他人並導致對方受驚，就有可能觸犯刑事恐嚇罪行。睇番今次事件，本報記者立即報警求助，到依家出街仲係提心吊膽，正正就係因漢奸黎出言恐嚇而「受驚」。再講吖，漢奸黎身為傳媒老闆，帶頭打壓新聞自由，如果當局咁都視而不見，見而不理，仲成世界嘅？
咪畀人批死，律政司話就話「認真處理」，其實只係玩拖字訣，到頭來又係側側膊當冇件事。大家有眼見，漢奸黎旗下壹淫媒宣淫販賤、抹黑誹謗，案底仲厚過電話簿，如果當局揸正嚟做，一早有人被罰到傾家蕩產，坐穿牢底；又好似漢奸黎被指係佔中嘅最大金主兼黑手，司法當局唔係藉口「證據太多」，就係話「檢控冇時間表」，總之死都唔肯做嘢。至於黑金操控政客，作為金主嗰位固然毫髮無損，被豢養嘅同樣逍遙法外，話唔係「愛屋及烏」，三歲細路都唔信。
咪睇司法當局懼外症發作，漢奸走狗面前鵪鶉咁款，對住民間鋤奸義士張牙舞爪，手起刀落殺無赦，不知幾威風。漢奸黎開到聲搵人搞記者，當局闊佬懶理扮失明；市民唔抵得條契弟搞亂香港，以豬雜招呼之，司法當局拉人封艇掟入大牢，迅雷不及掩耳，唔知嘅仲以為係漢奸黎私人衞隊添。
一句到尾︰公義唔單止要被彰顯，仲要在眾人面前得到彰顯。一日唔將禍港元兇繩之於法，高官講幾多次法治係「一國兩制」嘅基石都係嘥氣！