政情：八網難逃：梁栢賢變太空人追嫦娥？
多個國家不停探索人類居住火星嘅可能性，醫管局行政總裁梁栢賢（PY）就喺Facebook上載咗一張着住太空衣嘅相，有網友仲直指佢「移民火星」添！
其實PY唔係移民火星，只係想搞吓笑，仲貼文話自己着住太空衣去追月，祝大家有愉快嘅中秋假期啫！張相喺Fb上載之後，唔少網友隨即起哄，問佢追唔追到嫦娥呀？又話地球都有「月」同「娥」，唔使去咁遠喎？亦有網友問係咪咁堅離地先？
致詞時化身寵物小精靈小智
咪睇PY平時個樣咁嚴肅，有時都幾搞鬼，好似早前喺醫管局研討大會嘅致詞時，佢就大玩cosplay（服裝扮演）化身寵物小精靈中嘅小智，向大家講解醫管局資訊科技最新發展，仲話希望呢啲科技可令人延年益壽，去到一百歲都可以同家人享福。PY更完美示範key圖（合成圖），將自己個樣key落全家福，變成「全家PY」，令到全場爆笑。