8歲電工女孩 代表作熱爆網

今年八歲的Annabelle，年紀小小已對電子產品甚有研究。

曾製小型WiFi氣象台

去年十二月，Annabelle在爸爸指導下，落手落腳維修家中電腦，自此對電子產品萌生興趣。爸爸Ernest遂訂購DIY電子產品，讓她盡情發揮，「我覺得佢可以試啲複雜少少嘅嘢，所以買咗個電子眼鏡，結果佢用咗一晚就搞得掂。」爸爸將Annabelle組裝的過程拍下，並上載到YouTube。短短數月，已有不少代表作，當中包括小型WiFi氣象台、無線叉電器等等。

在香港做電工，相對冷門，女孩玩電子，就更加少有。「唔係想佢喺呢方面有啲咩成就，只係平時讀書好難會接觸到，想培養佢有多元化嘅興趣。」爸爸Ernest本身也愛電子，但不只電子，看書、畫畫等各樣興趣，都是Annabelle自發要求學習，作為爸爸，反而擔心她的時間表過於密集。當社會上人人都說要贏在起跑線， Annabelle的爸爸只望她自由發展，又指未來如果Annabelle要放棄電子興趣，他都不會說甚麼，只會在她背後，默默給予支持和鼓勵。

其作品小型WiFi氣象台（左上）、無線叉電器（左下）、電子眼鏡（右上）。

無論Annabelle長大後會否繼續玩電子，爸爸Ernest指都會給予無限量支持。