中環出更：容海恩去大阪取經 阻老友血拼
港人鍾意去日本旅行「血拼」購物唔係新鮮事，立法會議員容海恩（Eunice）早前趁暑假休會去日本大阪旅行，自言已經去過大阪N次嘅Eunice今次就搞搞新意思，去咗神戶參觀老人院，連佢嘅朋友都受影響要陪伴左右，暫停原先計劃好嘅「血拼」行程。
參觀日本老人院
Eunice事後解釋，去行街買衫成日都做，咁啱有日本朋友喺日本經營老人院，對方之前嚟過香港參觀香港甲級老人院，覺得老人院環境認真麻麻，甚至反問「係咪畀工人住o架」，因此據聞對方都有興趣將日本嘅老人院引入香港。
不過，Eunice認為，嗰個日本朋友就算真係喺香港開老人院，都係走高檔路線，相信會有一定市場，若然係同政府合作，有政府資助就更加好。Eunice又提及，其實歐洲有啲國家都有老人村畀長者入住，如果遲啲有時間去歐洲，佢都想去參觀取經喎。
卓妮