【本報訊】有女受害人爆出冒警男扮可憐搵女收留一晚，結果變成劫色盜財。其中一名自稱受害的女子阿May（化名），日前在網上爆出男子呃女賤招，「我響交友App識咗個做警察嘅男仔，前晚佢話好唔開心，叫我出去陪佢飲酒……佢話佢同屋企人嘈……問我可唔可以收留佢。我心軟就帶咗佢返屋企，本身都淨係諗住畀個地方佢瞓，結果畀佢搞埋。到第二日佢走咗我先發現銀包啲錢冇晒，問佢佢死口唔認……打呢篇嘢希望唔會再有人畀佢呃……。」
阿May上周五（9月29日）在網上論壇發貼爆出賤男後，陸續有其他女網友回覆，有人貼出懷疑騙徒的網名及照片，大家經比對後，相信是遇上同一名男子。記者昨聯絡到阿May了解事件，她指現時已有約十名受害人與她聯絡，大家受騙的情節相似，懷疑該男子不斷以同一種方法騙取女網友信任。她表示：「我哋呢度已經有一大班人畀佢呃過，相信唔只咁少！」她又指，其實大部分人因怕事，又或擔心無實質證據，難以證明被侵犯或偷錢，故有所猶豫，惟昨日得悉警方作出呼籲，她們會考慮聯絡警方。她又提醒其他女網友，結識網友時要帶眼識人，要對陌生人保持戒心及保護自己。