政情：公民講場：香港快運長假送爛攤張建宗有排煩

香港快運航空突然取消十多班航班，大批旅客被玩殘。旅遊業係本港經濟支柱之一，呢幾日又正值十一及中秋節長假期，真係多得佢唔少，萬一處理得唔好，隨時令香港國際形象掃地。政務司司長張建宗（小肥張）尋日出席活動時就被問到點收科，小肥張就話政府非常關注事件，但被問到點解現行機制對同類事件無罰款或監察機制時，佢就未有正面回應，淨係話運輸及房屋局、民航處、商務及經濟發展局會跟進，亦會要求香港快運提交全面報告，唔排除會進行檢討。交報告、做檢討都係後話，都唔會即時幫到受影響嘅旅客o架啦！小肥張真係針唔拮到肉唔知痛頂喇。