Fb續推優惠 網民「嬲」爆
【本報訊】香港快運取消十八班往來香港至日韓的航班，得罪一眾「請晒假冇得去旅行」的港人，但該航空公司沒有選擇「匿埋」，竟不忘在社交網站Facebook推手機App機票限定優惠，聲稱「廿三個航點票價高達五折起」，此貼文一出，陸續有網民畀「嬲嬲」，至昨日傍晚已累積「嬲嬲」逾四百三十個。
「返工日日如是，一於去旅行叉叉電啦！無論您鍾意去日本嘅寺院過番個寧靜嘅下午、喺台灣街頭大吃大喝、定係去東南亞享受陽光與海灘，呢個優惠都好啱您。」香港快運被爆取消大量航班後，前晚深夜仍努力在Facebook專頁推出機票優惠「挽回民心」，叫大家「快啲諗下想去邊」，半夜十二點準時去手機應用程式訂優惠機票。
打76次電話才獲改機票
有網民質疑香港快運竟還有「勇氣」推銷，亦有不少被取消班機的苦主留言鬧爆：「我打咗七十六次電話先好好彩改到機票，我以為係一班半班機，直到睇新聞。而（依）家又仲夠膽出po（貼文）叫人買機票？」網民勸喻香港快運民怨沸騰時應保持低調「避風頭」。
有憤怒網民直言，香港快運若然是資金不足，不應該選擇「接客」，而是「摺埋」（倒閉），又批評快運利用港人貪平的心態，但其後又取消機位逼旅客補差額買機票。