正所謂，今夕吾軀歸故土，他朝君體也相同，大漢奸汪精衞遺臭萬年，死咗都畀人炸墓焚屍，漢奸黎放聲氣如果香港容不下佢，就會離開，擺明為着草走難鋪路，總算有番少少自知之明。
即係咁，漢奸黎着草，絕對有迹可尋。係人都知，呢條契弟喺香港只係租屋住，連「根」都冇，反而喺英、美、法等地購置大量物業，分明就係狡兔三窟，隨時準備鬆人。明乎此，就知點解漢奸黎唔嫁又嫁，不惜畀人鬧一世做契弟都要放售《壹週刊》，擸錢走人，儲定彈藥，就係咁簡單。
最好笑嘅係，漢奸黎跌落地都要揦番拃沙，話《壹週刊》賣盤係因為政治制裁令廣告被封殺，導致虧損大喎。正如有學者一嘢踢爆，漢奸黎賺錢嗰陣唔見話畀人打壓，家陣經營不善就一味姓賴，根本就係輸打贏要。
大家有眼見，當初壹淫媒搞上市，有中資銀行幫手借出巨款；紅色革命聖地井岡山喺爛果報大賣廣告，甚至有內地出版社為漢奸黎樹碑立傳，可見北大人一度將肥佬視為統戰對象，冇「打壓」不特止，仲呵護備至，只係後來肥佬吃了秤砣，鐵了心做洋人走狗，北大人停止泵水，費事養狼狗咬心口，正常不過，同「政治打壓」大纜扯唔埋。
其實漢奸黎自己都識講，壹淫媒每年喺港台蝕一億港元，而《壹週刊》銷量亦由當年高峰期嘅二十多萬跌到依家得番三萬，讀者買少見少，換轉你係客戶都唔會落廣告喇。呢嗱，連埋怨被漢奸黎「賣落妓寨」嗰位壹仔女高層都承認，跌書係因為公司營運策略有問題，唔可以賴晒政治打壓。林肯話齋，你可以欺騙所有人一時，可以欺騙部分人一世，但就唔可以欺騙所有人一世，經過咁多年，漢奸黎宣淫販賤，老作新聞、反中亂港嘅邪惡面目，早就暴露無遺，仲邊會有人受佢昆吖。
所以話啫，契弟黎好話講盡，壞事做盡，條友口口聲聲話用賣《壹週刊》嘅錢維持爛果報運作，真係信佢一成，雙目失明。漢奸黎已經爆晒響口，「假自僱，真裁員」計劃將會加速進行，目前減省兩成半員工只係「頭盤」，終極目標係削減七成半人手，其餘就外判畀「自由作家」，亦即係話，淫媒未來仲會裁多逾千人。咪畀人批死，等到爛果報縮無可縮之時，漢奸黎將伙記賣多次落妓寨，安心做其契全弟，眉頭都唔會皺一下！
「借問瘟神欲何往，紙船明燭照天燒。」漢奸黎滾出香港，市民開定香檳慶祝，好行夾唔送。漢奸黎自己知自己事，佔中呢筆一旦計數，到時契弟走得摩，分分鐘監都有得坐！