幸存者憶述上層女客夾斃 身軀變形 慘不忍睹
【本報訊】「好似玩俄羅斯輪盤咁，如果我揀坐喺左邊已經死咗……」五十多歲「阿儀」（化名），前日下班登上奪命城巴坐在上層，巴士撞簷篷後全車滿布沙塵，惟坐在斜對面的女乘客謝鳳英，連人帶椅被推後數排，夾困在座椅及石屎間，頸部變形身軀埋在石屎及變形的座椅間，身旁響起被困乘客的悽厲呼救，恐怖畫面在她腦海重複浮現。她無受傷，惟慘劇卻留下難以磨滅的心理創傷，前晚不停大哭要打鎮靜劑入睡。至昨晨仍驚慌顫抖，需找心理醫生治療。
車廂頓變災場 兩男困座位
任職設計師業已半退休的阿儀，前晚要到公開大學上課，故傍晚下班後，乘搭肇事的E21A路線城巴上學。她指出：「平時架車坐滿人，但當時出奇地少，上層得幾個！」她登車後往上層，大量座位讓她選擇，她隨意坐在右邊樓梯後第二排，「如果我揀坐喺左邊已經死咗……」
巴士不久駛至欽州街路口，車廂霎時變災難現場，阿儀形容：「好似立體電影咁，有個好巨型嘅剷剷入車內，削去左排座位！」她未及反應，直覺個「剷」會剷到埋身，巴士會向右反，自己必死無疑。巴士停下後，阿儀無受傷，但見車廂塵土飛揚，左前方一名女乘客（死者謝鳳英）被夾在簷篷及座位間，「佢就喺我隔籬，睇唔到個身，個頭去咗後面，條頸變咗『L』形，無晒反應……」又聽到在簷篷及座位間傳來一、兩把男子呼救聲，但未能看到他們。
阿儀憶述除三、四名乘客被困，其餘乘客遂循幾乎被簷篷阻擋的車廂通道落車，她指出：「一心只想離開，唔敢再望附近嘅嘢。」離開現場後上學，惟因情緒未平復、流淚狂哭，故到醫院檢查，醫生替她注射鎮靜劑後才可入睡。至昨晨，觸目驚心的畫面仍不斷在腦海浮現，「每次諗起都想喊，忍唔住……」她懷疑心理受創，「我已經忘記唔到呢件事，好似一世都喺心入面……」故會看心理醫生。
死者家屬轟城巴不負責任
至於慘死女乘客謝鳳英（六十歲），獨身，與胞兄居於何文田，在長沙灣一錶廠任職品質管理員。胞兄指妹妹傍晚六時下班，一般會乘搭該班巴士回家，當日家人看到新聞仍未知她出事，至警員登門始驚悉噩耗。死者姨甥周先生怒斥：「成晚冇人聯絡我哋，係咪咁涼薄？要我哋打去問？好荒謬！簡直收買人命！」他炮轟城巴不負責任，昨晨查詢路祭事宜竟獲覆「我哋冇做呢啲嘢」，經理論後才安排今午路祭，親友目前正商討鳳英的後事。