末代港督彭定康日前又再「回魂」訪港，同本港一眾老嫩反中亂港人士大合奏「唱衰中港」，期間多次大讚坐緊監嘅香港眾志秘書長黃之鋒係「英雄」同「香港嘅未來」。內地官方媒體尋日發表評論文章，直斥彭定康係亂中禍港嘅掌舵人，企圖向香港社會灌「迷魂藥」。其實彭定康啲「迷魂藥」同佢本人一樣，晨早已經發晒霉、過晒期，唔知仲有幾多香港人會畀佢迷倒呢？
