政情：今日你上鏡：釋智慧現身精神好唔使扶

香港佛教聯合會會長釋智慧早幾年曾因中風，令到身體變差，尋晚喺宗教界一個活動上，見到久未露面嘅釋智慧，見佢嘅精神好過以前好多，面色唔錯，雖然仲係揸住拐杖，但行路唔使扶，只係上落樓梯先要扶下啫！佢話依家寺廟每日嘅事務都交晒畀後生去做嘞！問佢點睇有立法會議員發表港獨「殺無赦」嘅言論，佢就話呢啲嘢留番畀啲後生嘅去評論，留番畀應該講嘅人去講喎。