良心業主供20單位紓民困

轟劏房業主壓榨謀暴利

伍婆婆轟劏房業主壓榨基層謀暴利，違規改建的劏房更令她所住的唐樓天花漏水、石屎剝落，「蝕底少少都好閒，捱咗大半世都想做小小嘢幫社會，少啲戾氣多啲和諧！」伍婆婆出租自住單位後，將搬到設施較佳的細單位，笑言「一個人唔使住咁大，（出租）幫到人又幫到自己」。

獨居的伍婆婆因為子女已成家立室，加上腳患難以撐樓梯而浮現單位「大換細」念頭。她稱所住的唐樓樓齡近六十年，逾三分一遭分間成劏房出租，「六百呎間六間，有齊廚廁浴室，但樓下嗰個就遭殃漏晒水，好驚以後咚一聲冧埋！」身兼業主立案法團主席的伍指「奈佢唔何，都唔想做埋劏房」，故租出單位助人助己。

去年以七折出租單位，供善導會改裝為共住單位「甦屋」的業主謝少霞，過往多次將單位透過地產代理招租，「但個個都要我改做劏房，我唔想，最終丟空咗幾年！」她稱該「甦屋」將分租予兩個單親家庭，「（更生人士）人同樓都要活化，好有意義！」

謝少霞指其母去年離世後留下土瓜灣一個六百平方呎舊樓單位，她亦計劃以低於市價租予社聯，「錢多少都唔緊要，不過希望可以畀年輕人住！」謝續指舊唐樓不時需要維修，希望政府提供優惠吸引業主參與計劃。