廢紙出口商喺上周停收廢紙後，搞到廢紙圍城，喺透過多方面同內地溝通後，廢紙商今日起全面回收廢紙，相信情況應該得以紓緩，但原來呢次嘅做法只係暫時性，事關廢紙商警告佢哋嘅訂單處理量最多只能夠應付到下個月，即係十一月有可能又爆過。咁即係依家只係暫時止咳咋，捱多個幾月又打回原形，睇嚟環境局局長黃錦星都好頭痕，但佢點都要加啲力水諗吓點解決，唔通要市民坐困廢紙城咩？
