政情：佔中陳健民上庭前收粗口信
違法佔領行動至今發生將近三年，但四十八名「佔中搞手」，只有三名佔中發起人同埋六名「佔中搞手」遭到起訴，被控作出以及煽惑公眾妨擾等罪名。九名遭起訴人士會喺今日到區域法院就控罪答辯，但係佔中發起人之一陳健民喺上庭前夕就自爆，收到兩封截然不同嘅「問候信」。
仲收到封感謝信
陳健民尋日喺Facebook上載收到兩封信件嘅照片，一封由署名「一名香港市民」送上嘅感謝卡，內容大致係答謝佢為香港嘅付出，而卡上字句都寫得密密麻麻，睇落頗有誠意。
而另一封信就用上粗言穢語去「問候」，信件收件地址為「中文大學校」，相信係寄往陳健民任教嘅中文大學，而收件人就寫上「陳健民大奸×」。至於對比信件內容，呢封就明顯比感謝卡簡潔，因為成封信只得四隻大字，就係喺單行紙上寫上「×你××」嘅粗口，擺明係衝住佢而來喇！