探射燈：賭博腦釋安多酚 難自制行為
省港「棋」兵在各處招搖撞騙，但仍有不少市民中招，蒙受金錢損失。心理學家分折，中招或源自於賭博時，腦內釋放「快樂賀爾蒙」安多酚（Endorphin）有關。而法律界人士則警告，受害人從司法途徑追討損失，搜證方面甚為困難。
欠精神寄託者易沉迷
「逢係賭錢，大家都會對自己有期望，諗住贏。呢個時候，腦內就會釋放『快樂賀爾蒙』安多酚，控制咗自己嘅行為。有啲人欠缺自律，好容易就會抑壓唔到自己，慢慢沉迷，變成病態賭徒。」香港家庭心理治療師協會法證臨床心理專家羅志華教授指出，該徵狀一般出現於沒有精神寄託的人身上。
執業大律師陸偉雄則建議市民，若遇上此類騙局，一般甚難搜證及追討損失，故在賭博前應三思而行。「佢哋『做媒』嚟影響棋局輸贏，無論你有無金錢損失，都可以稱之為『行騙』。但係你點證明佢哋係『媒』？點搜證？呢樣先係大問題。」