政情：公民講場：謝偉俊「Pass」出懸案陳克勤「呻」中槍

建制派立法會議員本周一聯署去信教育局，要求關注大學校園出現港獨標語，但有份聯署嘅謝偉俊事後公開指當日回覆建制派副班長陳克勤（克勤）「I'll pass」，話到明唔玩，點知佢個名出現喺聯署名單，儼如要克勤問責。克勤事隔一日喺網上大呻「躺着也中槍」，究竟發生咩事？據悉，建制派召開聯署記者會前一日，謝偉俊就是否參與聯署一事留言「I'll pass」，克勤都清楚謝偉俊唔希望聯署嘅意願，於是向上層反映，後來有來自更高層嘅訊息話所有建制派議員都願意聯署，咁克勤自然加埋謝偉俊個名落去。究竟誰是誰非，睇嚟要個更高層嘅人出嚟講句公道說話先得喇！