大學民主牆風波不斷，繼有人喺民主牆張貼「香港獨立」橫額同海報，又有人喺民主牆張貼冒犯喪子嘅教育局副局長蔡若蓮嘅標語。理工大學校董會主席陳子政前日就大讚理工大學同學務實，未見到有同類大字報喺校內出現，點知尋日就有兩個理大學生組織投訴，校方喺未知會學生會嘅情況之下，移除咗民主牆上有關港獨嘅標語，仲計劃去校長室示威添！睇嚟陳子政讚完班學生之後，但原來港獨歪風一早蔓延理大，唔通佢唔知？
