政情：今日你上鏡：新亞書院首屆學生會會長 籲年輕人放眼世界

立法會議員蔣麗芸（Ann，左二）上載咗一張同一名叫李金鐘（右二）嘅男子合照，原來佢係中文大學新亞書院第一屆畢業生同第一屆學生會會長。近日中大民主牆出現多件事件，包括出現寫有港獨字句嘅海報、有學生撕下港獨海報，又有人貼上拒絕被代表嘅宣傳品。阿Ann都有問李金鐘點睇近日中大民主牆事件，李金鐘就呼籲年輕人要放眼世界，懂得包容，先有更廣闊嘅胸襟迎接未來。