政情：勞工界何啟明 職安健比賽失威

隊友協助 扮成清潔工

何啟明話，佢同另外兩名議員劉國勳同陳淑莊，參加咗一個由電台舉辦嘅職安健常識問答比賽名人賽，比賽除咗有問答環節，更要扮成唔同職業，再選擇合適嘅職安裝備，而何啟明就喺隊友劉國勳嘅協助下，扮成清潔工人。

身為勞工界議員係咪有優勢？何啟明形容議員隊喺比賽開段節節領先，但後來因為藝人隊識得善用遊戲技巧，又有觀眾幫手，最終都獲勝。佢大嘆身為勞工界議員喺比賽中無優勢，反而學海無涯，自己仲有好多嘢要學習咁話，又話今次係「學嘢第一，比賽第二」。