繼中文大學出現港獨標語後，多間大學亦被發現有校園播獨嘅情況，香港教育大學更加出現侮辱教育局副局長蔡若蓮喪子嘅字句，風波一發不可收拾，更傳出有中學校長明言永不錄用教大嘅學生，令到中大校長沈祖堯同教大校長張仁良都好頭痕。點解班大學生會出現咁嘅問題？經過小學、中學咁長時間，班學生嘅國民意識同道德觀念咁差，到咗大學又點去教導佢哋，係咪教育制度出咗問題呢？
