港鐵躁父大戰「溫柔」男

拍打閘機遭勸告 口角變動武

有網民拍到二人爭執的影片並上載上網。事緣一個拖着兩名孩子乘港鐵的「躁父」，疑因出閘時大力拍打閘機，惹來在旁穿灰黑色間條衫的「間條男」不滿，搭訕着他「温柔啲」。躁父覺得被針對，於是上前理論，其後發生推撞。

二人不斷以粗口互罵，繼而動手。躁父一句「我湊住兩條o靚仔你恰×我呀？」間條男隨即反擊「我叫你溫柔啲呀！」二人愈鬧愈情緒激動，期間曾有一名穿拖鞋的男子和一名剛出閘的女子上前調停。在二人罵得火熱時，躁父的兩名稚子默默無語站在一旁，看着父親跟人爭執。

有網民認為二人小事化大「撩交嗌」，並指只要一人讓一步就事不至此：「其實兩邊都唔抵幫，都係一件好小嘅事……何必勞氣呢？嗰個大叔只要講句『對唔住，唔好意思，我會輕力啲o架啦』咁，搞掂，大家又唔使勞氣，咁小事，何樂而不為呢？」