政府早前公布土地供應專責小組名單後，被批評欠缺環保界人士，令小組嘅意見傾斜商界，尋日有嚟自工程、測量、環保同本土組織成立「民間土地資源專家小組」，雖然佢哋話唔係同政府打對台，但睇吓民間小組嘅成員有立法會議員朱凱廸同建築界前議員姚松炎，朱凱廸當年反新界東北發展，早前又聯同姚松炎鬧爆政府喺橫洲建屋同鄉親摸底，被外界視為反發展人士，根本就唔想起樓，呢個小組變咗停止搵地小組，到頭嚟咪又係搞到一鑊粥！
