政情：天文台App點擊率突破千億
「天鴿」上月襲港，一度掛十號波，唔少網民事後亦大讚天文台，認為天文台處理適當。唔講唔知，原來天文台網站同名為「我的天文台」嘅手機應用程式的總瀏覽量，喺舊年已突破一千億點擊率，其他政府部門真係望塵莫及呀！
推「天氣隨筆」 緊貼輿情
喺二○一七年公務員優質服務獎勵計劃中，天文台就獲得「部門精進服務獎（小部門）」以及以大數據分析與決策支援奪得「隊伍獎（內部支援服務）」兩項金獎。
天文台近年開發唔同服務，天文台高級科學主任宋文娟話網絡世界嘅資訊廣泛流傳，天文台為緊貼輿情，推出「天氣隨筆」，以輕鬆手法來澄清傳言同提供更多網民有興趣嘅資訊。佢又透露天文台正係積極籌備Facebook，而招聘人員打理Fb嘅程序亦接近完成，希望可以盡快以唔同平台發放訊息。