政情：葛珮帆學滑浪 教練讚有天分
暑假唔少人都會去旅行，做一啲新嘗試。立法會議員葛珮帆（EQ）今年暑假就去咗馬爾代夫，今次唔潛水，反而決定學滑浪，仲話自己學咗兩日就成身散晒啦！睇嚟真係好攰吓喎。
第一次就跳到上滑板
EQ話滑浪真係好辛苦，啲動作會用到自己平日唔會用嘅肌肉，淨係連人帶板爬出去嗰陣，都已經覺得用咗好多力氣，學咗兩日就成身散晒，難怪滑浪嘅人身形咁好。不過EQ第一次跳上塊板已經企到幾秒，教練都讚佢有天分，好少有學生可以第一次就跳到上塊板。
原本EQ報名學滑浪時係一個女仔教嘅，點知到正式學嘅時候，就變咗做一個男教練，仲笑指男教練都幾靚仔，但自己就覺得女教練教啲動作會方便啲。佢話玩咗兩日就冇得再學啦，因為之後有狂風大雨，所以冇得學，仲話其實即使天晴嗰日都好大風，佢頂白帽都因此唔見咗，真係可惜嘞！