政務司司長張建宗喺呢一屆政府兼任扶貧委員會主席，尋日開第一次會就被各委員追數。好似工聯會會長林淑儀就要佢調高低收入在職家庭津貼（低津）嘅申請相關限額，社聯行政總裁蔡海偉要求低津申請者嘅入息限額要放寬，立法會議員田北辰就話交通津貼要改派八達通，以便合資格人士用兩蚊搭車喎。個個都要求多多，張建宗一上場即畀咁多人追住要開倉派米，真係追到甩褲喇！
