粵港澳大灣區規劃今年納入政府工作報告，身兼港區全國人大代表嘅立法會議員田北辰，尋日就施政報告獻計，以高鐵帶動大灣區發展。佢明言睇好大灣區發展，因為香港青年可以運用專業知識，即日來回往返香港同大灣區返工。而佢更建議，推出定價為一千五百港元嘅高鐵月票，畀能夠證明喺大灣區工作嘅香港人買喎。其實政府上年就假設，香港去廣州嘅高鐵車費係二百一十元，田北辰嘅建議明顯平好多，係咪真係可以咁着數o架？
