政情：陳沛然自爆童年陰影 驚慶祝生日

畀老竇大整蠱

Pierre喺月中發表網誌，自爆七歲生日時畀爸爸整蠱，佢爸爸將一個大鐵煲反轉，令佢誤以為有生日蛋糕，點知鐵煲內只得一件小西餅同一支蠟燭，佢即時尷尬流淚，但爸爸竟然哈哈大笑同影相留念，令佢有童年陰影。後來，佢爸爸因有二奶同三奶拋妻棄子，喺爸爸不養不教下，反而三兄弟好生性。

由於童年陰影太深刻，自此Pierre唔鍾意慶祝生日，就連好朋友都唔會喺正日慶祝，但有一年，佢同女朋友到西餐廳慶生，餐廳每碟食物都加入菇菌類，唔好菇菌嘅佢惟有強顏歡笑。經過以上兩件事，佢形容自己係驚弓之鳥，為免出現尷尬情況，以後生日都會安排自己返工，再同家人食飯就算。

另外，上屆立法會被拉倒、有關醫委會改革的醫生註冊條例草案，目前喺草案委員會審議階段，Pierre同五個醫學界團體合作，尋晚已經掛上橫額，希望爭取民意支持，維持醫委會內有過半數成員係醫生。