英國詩人拜倫曾經講過，「冬天到了，春天還會遠嗎？」呢句名句稍加改動，形容漢奸黎一樣咁貼切︰「家當賣了，摺埋還會遠嗎？」
呢嗱，漢奸黎出售旗下《壹週刊》嘅交易有新進展。根據公司內部通知，買賣雙方尋日簽署連帶嘅買賣合約，買方將會進一步交付相關訂金，相信交易將於十月初完成。漢奸黎自閹上癮，旗下刊物摺完一份又一份，《壹週刊》易手之後，漢奸黎手上得番「爛果報」吊吊揈，佢老哥之前誓神劈願，話唔會出售淫媒本港業務，否則「一世變契弟」，家陣連佢班伙記都要求佢兌現承諾「做契弟」，呢啲咪叫求仁得仁囉！
係人都知，《壹週刊》係漢奸黎淫媒成魔之路嘅起點，反中亂港歷史仲悠久過爛果報，連起家嘅基業都捨得賣，可想而知條友環境幾咁惡劣。咪睇佢老哥宣布「賣仔」後廢話連篇，一時話「歷史將站在我們這一邊」，一時由洋助手接力吹噓，將賣盤比喻為「鄧寇克大撤退」，懶係悲劇英雄咁款，其實只不過係跌落地揦番拃沙，遮醜咁解嘅啫。大家有眼見，壹淫媒數簿連年見紅，最近七個財政年度累蝕近十五億元，想話唔擸錢離場都唔得。
漢奸黎窮途末路，莫財尚在其次，官司纏身先至大鑊，除咗黑金案，隨住佔中搞手相繼落鑊，連「戴妖」都打定輸數準備入冊，作為始作俑者嘅漢奸黎，睇怕都要洗乾淨個屁股。呢幾日佢密召一眾老鴿嫩鴿去佢大宅密斟，慌唔係密謀救亡對策咩。總而言之，家陣風頭火勢，無論係打官司抑或契弟走得摩着草，都在在需財，點都要儲定多啲彈藥。
話時話，漢奸黎契弟個朵真係唔係浪得虛名，自己賣盤cap水袋袋平安，員工你死你賤，連死剩種嘅爛果報，都要一意孤行搞「假自僱真裁員」，唔怪得畀伙記怨「賣落妓寨」。不過天道好還，惡有惡報，今日佢點樣將員工推落大海，第日亦可能被洋主子棄如敝屣。外部勢力睇得起漢奸黎，你估真係好似條契弟自己吹噓咁，貪佢「生意頭腦靈活」、「創意無限」咩，無非都係睇中佢掌握輿論陣地，靠佢旗下刊物蠱惑人心啫。依家份爛果報愈出愈薄，幾乎大風啲都吹到冚包散，就知群眾嘅眼睛雪亮，淫媒反中亂港嗰套已經愈來愈冇市場。不妨想像吓，漢奸黎第時賣埋爛果報，剩番自己契弟一條廢柴一碌，你估洋主子仲騷唔騷佢吖嗱？
一句講晒，漢奸黎多行不義，禍港殃民，佢愈墮落市民只會愈快樂。套用佢好友李漢奸嗰句，漢奸黎「跪埋落地下」之日，正義得到彰顯，就係「一國兩制」成功之時嘞！